Ukrayna hərbçiləri Vaşinqtona Müdafiə Qüvvələrinin əks-hücumunun yeni mərhələsinin başlanması barədə məlumat ötürüb...
Poliqon xəbər verir ki, bu barədə adının çəkilməsini istəməyən ABŞ rəsmilərinə istinadən New York Times qəzeti məlumat yayıb. Qəzet yazır ki, ümumiyyətlə, Zaporojye istiqamətindəki cəbhə Ukraynanın əks-hücumunda əsas istiqamətlərdən biridir. Eyni zamanda son iki ayda Ukrayna əks-hücumunun əsas zərbəsi ölkənin cənub-şərq bölgəsində cəmlənib.
Nəşrin məlumatına görə, Ukrayna rəsmiləri planlaşdırılan əks-hücum əməliyyatı ilə bağlı məlumatı ABŞ rəsmilərinə ötürüb. Gücləndirilmiş Ukrayna qrupları Tokmok şəhərinə çatmaq üçün Rusiyanın minalanmış sahələri və digər istehkamlar vasitəsilə cənuba doğru irəliləmək niyyətindədir. Tokmakda uğurlu irəliləyiş əldə olunarsa, Melitopol şəhərinin yolu açılacaq.
NYT yazır ki, Ukrayna Silahlı Qüvvələrinin əks-hücum əməliyyatında əsas məqsədi Rusiya tərəfindən işğal olunmuş əraziləri ilə Krım yarımadası arasında quru körpünü ələ keçirməkdir. Bu məqsədə nail olmaq Ukrayna üçün yüksək strateji əhəmiyyət kəsb edir. Ukrayna ordusu həmçinin regionu Ukrayna artilleriyasının əhatə dairəsinə salmaq üçün kifayət qədər cənuba doğru irəliləmək istəyir.
Qeyd edək ki, 2014-cü ildə Krım Rusiyaya birləşdirilib və o vaxtdan Rusiyanın Qara Dəniz Donanması, eləcə də cənub istiqamətlərində Rusiya silahlı qüvvələrini təmin etmək üçün strateji əhəmiyyətli bazaya çevrilib.
Ukrayna ordusunun yeni əməliyyatı uğurlu olarsa, bir neçə həftə çəkə bilər. Bununla belə, əks-hücum iyunun əvvəlində başlayandan bəri plana uyğun çox az şey getib və Ağ Ev və Pentaqon rəsmiləri çərşənbə günü artan fəallığı böyük maraqla izlədiklərini söyləyiblər.
Poliqon.info
Digərxəbərlər
Populyar xəbərlər
