Kaçinski: Ukraynada müharibə kompromislə bitə bilər və belə bir nəticə Polşanı qane etməyəcək...

Poliqon xəbər verir ki, bunu Polşanın hakim “Qanun və Ədalət” partiyasının sədri Yaroslav Kaçinski bildirib. O qeyd edib ki, bunun əlamətlərini görür.

“Bu gün biz Ukraynada müharibənin necə bitəcəyini bilmirik. Onun yekun nizamlanmadan daha çox hansısa kompromislə başa çata biləcəyinə dair işarələr var ki, bu da təəssüf ki, tezliklə yeni təhlükələrin meydana çıxa biləcəyini göstərir. Biz belə bir həll istəmirik”, deyə Kaçinski bildirib.

Kaçinski qeyd edib ki, Polşa Ukraynanın öz ərazilərini işğaldan azad etmək istəyini tam dəstəkləyir. “Lakin hər şey bizdən asılı deyil”, deyə o, vurğulayıb və əlavə edib ki, Polşa ordusu gücləndirilməlidir.

Poliqon.info