İtaliyanın xarici işlər naziri Antonio Tajani Polşanın baş naziri Donald Tuskun Avropanın "müharibədən əvvəlki dövrə" qədəm qoyması ilə bağlı sözlərini şərh edib...
Poliqon xəbər verir ki, nazir bu barədə "Rete 4" telekanalına müsahibəsində danışıb.
Antonio Tajani bildirib ki, bunun səbəbi Varşavanın Rusiya təhlükəsini hamıdan çox həyəcanla hiss etməsidir. O, Sovet dövrünün əvvəlində Rusiyanın Polşada etdiklərini xatırlamağa çağırıb.
Nazirin sözlərinə görə, polyaklar ruslara böyük narahatlıqla baxırlar və bu, narahatlıq əsassız deyil.
"Ancaq düşünürəm ki, hazırda biz polad əsəblərə sahib olmalıyıq və qorxmamalı, NATO-nu gücləndirməli və Ukraynanı müdafiə etməliyik. Çünki həqiqət budur ki, Ukrayna uduzsa, qapılarımızda daha böyük təhlükə yaranacaq. Amma biz sülh üçün çalışmalıyıq", deyə Tajani bildirib.
Bundan əvvəl Polşanın Baş naziri Donald Tusk demişdi ki, Avropa müharibədən əvvəlki dövrə qədəm qoyub və Avropa təhlükəsizliyin pisləşməsi fonunda istənilən ssenarilərin inkişaf ehtimalından narahatdır. Onun fikrincə, Avropa 1945-ci ildən bəri belə bir inkişafla üzləşməyib.
Poliqon.info
Digərxəbərlər
Populyar xəbərlər
