İsveçin Baş naziri: Kiyevə dəstək səbəbiylə Avropa İttifaqında parçalanma ABŞ üçün təhlükəli siqnal olacaq...
Kiyevə maliyyə dəstəyi ilə bağlı Avropa İttifaqında parçalanma bu həftə baş tutacaq sammit öncəsi ABŞ-a təhlükəli siqnal göndərəcək.
Poliqon Financial Times nəşrinə istinadən xəbər verir ki, bunu İsveçin baş naziri Ulf Kristersson deyib.
“Məni ən çox narahat edən odur ki, əgər Avropa parçalanma əlamətləri göstərirsə, bu, Birləşmiş Ştatlar üçün pis əlamətdir. Əgər biz ABŞ-ın Ukraynanı dəstəkləməsini istəyiriksə, Avropa Amerika xalqına göstərməlidir ki, biz özümüz də Ukraynanı dəstəkləyirik”, deyə Baş nazir bildirib.
Kristersson sammitin necə davam edəcəyindən narahat olduğunu da qeyd edib.
“Qarşıdakı iki-üç gün ya narahatlığa səbəb olacaq, ya da Aİ-nin hələ də vahid olduğunu göstərəcək”, deyə siyasətçi vurğulayıb və görüşün həftə sonuna qədər uzanacağından qorxan Aİ rəsmilərinə mesaj yollayıb.
Poliqon.info