İki Kanada vətəndaşı Hüseyn və Daad Tabaca İsrail hərbçilərinin Livanı atəşə tutması zamanı həlak olub...
Poliqon xəbər verir ki. bu barədə Kanadanın CTV News telekanalı məlumat yayıb.
Həlak olanların yaxınları telekanala bildiriblər ki, ər və arvad təxliyyə olmaq istərkən avtomobillərinə hücum nəticəsində ölüblər.
Sentyabrın 24-də günortadan sonra CBC telekanalı Kanada Xarici İşlər Nazirliyinə istinadən məlumat yayıb ki, Livanda atəşə tutulan iki ölkə vətəndaşı həlak olub. Telekanal qurbanların adlarını və onların başına gələnlərin təfərrüatlarını açıqlamayıb.
CTV News-un məlumatına görə, Hüseyn və Daad Tabaca Livanın cənubunda evlərini tərk etmək istəyərkən tıxacda qalıblar. Bu zaman zərbə endirilib. Partlayış baş verən yerin yaxınlığındakı xəndəkdə yanmış BVW avtomobili tapılıb. Tabaj cütlüyünün oğlu Kamalın dediyinə görə, cəsədlər ağır yanıb və şəxsiyyətini müəyyən etmək mümkün olmayıb. Gənc oğlan anasının yanmış salondan tapdığı saatın köməyi ilə valideynlərinin ölümünü təsdiqləyib.
Xatırladaq ki, sentyabrın 23-də İsrail Livanda “Şimal oxları” adlı hücum əməliyyatına başladığını elan etdi. Sentyabrın 24-nə olan məlumata görə, İsrailin hücumları səbəbindən Livanda 500 minə yaxın insan didərgin düşüb. Həmin gün Livanın Səhiyyə Naziri Firass Abiad Əl-Cəzirə Mübaşerə bildirib ki, 23 və 24 sentyabrda Livanda 50-si uşaq olmaqla 569 nəfər ölüb. yaralıların sayı 1835-ə yüksəlib.
Poliqon.info