İsrailin təmsilçisi Qəzza zolağının ələ keçirilməsi planlarından danışıb...
İsrail hökuməti Qəzza zolağının işğalında maraqlı deyil, o, yalnız Fələstinin HƏMAS hərbi hərəkatını tamamilə məhv etmək üçün əlindən gələni edir.
Poliqon CNN telekanalına istinadən xəbər verir ki, bu sözləri İsrailin BMT-dəki səfiri Qilad Erdan deyib.
Erdan qeyd edib ki, İsrailin Qəzza zolağını işğal etmək, orada qalmaq niyyəti yoxdur.
“Biz sağ qalmaq üçün mübarizə aparırıq və ABŞ prezidentinin özünün də bildiridiyi kimi, bunun üçün yeganə yol HƏMAS-ı məhv etməkdir”, deyən Erdan vurğulayıb ki, İsrail ordusunun HƏMAS-ı məhv etmək üçün əlindən gələni edəcək.
İsrail səfirinin şərhləri prezident Co Baydenin İsraili xarici torpaqları işğal etməmək barədə xəbərdar edən bəyanatlarından sonra səsləndirilib.
Poliqon.info