İsrail ordusu Qəzzada bir bölgədə hərbi əməliyyatları dayandırıb

Poliqon xəbər verir ki, bu barədə İDF sözçüsü Aviçay Adrai X sosial şəbəkəsindəki səhifəsində məlumat verib.

"Yerli vaxtla saat 10.00-dan 14.00-a Deyr əl-Bələhdəki Əl-Salam bölgəsində humanitar məqsədlər üçün hərbi fəaliyyətlər dayandırılacaq”, deyə İDF sözçüsü bildirib.

Ordu təmsilçisi həmçinin Qəzzanın mərkəzindəki bəzi bölgələrin sakinlərini Deyr əl-Bələhdəki qaçqınlar üçün sığınacaqlara təxliyyə olmağa çağırıb.

Qeyd edək ki, The New York Times qəzeti daha əvvəl yazmışdı ki, İsrailin Qəzza zolağında evakuasiya elanları bəzən özləri ilə ziddiyyət təşkil edir və rabitə çatışmazlığı səbəbindən anklavın bütün sakinlərinə çatdırılmır.

Poliqon.info