Ləğv edilmiş Milli Təhlükəsizlik Nazirliyi (MTN) Antiterror Mərkəzinin rəis müavini olmuş, həbsxanada intihar edən polkovnik İlqar Əliyevə və ailə üzvlərinə məxsus olan əmlakların geri qaytarılması barədə verilən apelyasiya şikayəti üzrə məhkəmədə qərar elan edilib
Bakı Apelyasiya Məhkəməsində hakim Sahibxan Mirzəyevin sədrliyi keçirilən prosesdə İlqar Əliyevin ailə üzvlərinin şikayəti araşdırılıb. Hakimlər kollegiyasının qərarına əsasən, İlqar Əliyevin əmlakının əmlakın geri qaytarılması barədə şikayət təmin edilməyib.
Qeyd edək ki, İlqar Əliyevin ailə üzvləri Antiterror Mərkəzinin rəisi, general-mayor Elçin Quliyev və Mərkəzin əməkdaşı, polkovnik Azər Mehdiyevin barəsində Bakı Hərbi Məhkəməsinin çıxardığı hökmdən narazı qalıblar. Məhkəmə hökm çıxaran zaman cinayət işində adı keçən İlqar Əliyevə və ailə üzvlərinə məxsus mülklərlə bağlı da qərar qəbul edib. Məhkəmə İlqar Əliyev və onun ailə üzvlərinə məxsus, üzərinə həbs qoyulmuş əmlakların müsadirə edilməsi barədə qərar verib. Qərarda qeyd olunub ki, İlqar Əliyev və onun ailə üzvlərinə məxsus əmlaklar cinayət yolu ilə əldə edilib.
İlqar Əliyev 2015-ci il oktyabrında həbs edilib. O, həmin il dekabrın 20-də saxlandığı istintaq təcridxanasında intihar edib.
Bundan sonra İlqar Əliyevin barəsində olan cinayət işi ayrıca icraata götürülüb, onun işi üzrə istintaq hərəkətləri prokurorluqda davam etdirilib.
İlqar Əliyevə məxsus Badamdar qəsəbəsində 12 sot torpaq sahəsi və 2 mərtəbəli villa (798 min manat), Badamdar qəsəbəsində 6 sot torpaq sahəsi (180 min manat), N.Nərimanov prospektində obyekt (418 min manat), Nabranda 6 sot torpaq (12 min manat), Şamaxı rayonu Avaxıl kəndində torpaq sahələri (12 min 400 manat), Mərdəkan qəsəbəsində bağ evi (192 min manat), Ceyranbatan qəsəbəsində 8 sot torpaq sahəsi (21 min manat), Göyçay şəhərində daşınmaz əmlak (114 min manat), Çöyçay rayonu Çərəkə kəndində 2 hektar torpaq sahəsi (7200 manat) olan əmlakaların üzərinə həbs qoyulub.(lent.az)
pia.az
Digərxəbərlər
Populyar xəbərlər
