Yanğın yanğından mühafizə bölmələri tərəfindən söndürülüb...
Fövqəladə Hallar Nazirliyi (FHN) Bakıda ayaqqabı sexində baş verən yanğınla bağlı məlumat yayıb.
FHN-dən PİA.az-a daxil olan məlumatda deyilir ki, Suraxanı rayonunda ümumi sahəsi 600 m² (hər mərtəbəsi 300 m², qeyri-yaşayış) olan ikimərtəbəli tikilinin 1-ci mərtəbəsində fəaliyyət göstərən ayaqqabı istehsalı sexində dəzgahın havalandırma qurğusu, 1 ədəd elektrik lövhəsi, 2 ədəd qoruyucu açar və 5 p.m kabel yanıb.
Sexin qalan hissəsi və tikili yanğından mühafizə olunub. Yanğın yanğından mühafizə bölmələri tərəfindən söndürülüb.
***
Bakı şəhəri, Suraxanı rayonu, Bülbülə qəsəbəsi ərazisində yerləşən toxuculuq sexində baş verən yanğın söndürülüb.
"Report"un hadisə yerində olan əməkdaşı xəbər verir ki, yanğın elektrik naqillərində olan qısaqapanmadan yaranıb.
***
Bakı şəhəri, Suraxanı rayonu, Bülbülə qəsəbəsi ərazisində yerləşən sexlərin birində yanğın başlayıb.
"Report"un hadisə yerində olan əməkdaşı xəbər verir ki, yanğın müxtəlif sexlərin yerləşdiyi ərazidə qeydə alınıb.
Hadisə yerinə FHN-nin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunub.
Hazırda yanğınsöndürmə işləri davam edir.
pia.az