Ordumuz tərəfindən Laçın rayonunun Cağazur və Zabux kəndləri arasında yerləşən bir neçə hakim yüksəklik azad edildi...
Politoloq: “Azərbaycanın məqsədi Ermənistanla sərhəddə nəzarət-buraxılış məntəqəsinin yaradılmasıdır”.
“Yaradılacaq sərhəd nəzarət-buraxılış məntəqəsinin nəzdində sərhəd qoşunlarının qüvvələri, eyni zamanda Gömrük işçilərinin dayaq məntəqəsi olacaq”.
Bu sözləri politoloq Qabil Hüseynli Laçın rayonunda ordumuzun götürdüyü yeni yüksəkliklərdə sonra olacaq prosesləri Poliqon.info-a şərh edərkən qeyd edib.
Xəbər verdiyimiz kimi, ordumuz tərəfindən yeni Laçın yolunun istifadəyə verilməsi ilə əlaqədar Laçın rayonunun Cağazur və Zabux kəndləri arasında yerləşən bir neçə hakim yüksəklik, əsas və yardımçı yollar, eləcə də sərhədboyu geniş sahələr nəzarətə götürülüb.
Çağazur və Zabux kəndləri arasında hakim yüksəkliklərin, əsas və yardımçı yolların nəzarətə götürülməsi Azərbaycanın Ermənistanla sərhəddə nəzarət-buraxılış məntəqəsini inşa etməsi ilə nəticələnə bilərmi?
Mövzunu Poliqon.info-un əməkdaşı politoloq Qabil Hüseynli ilə müzakirə edib.
Qabil Hüseynli: “Azərbaycan hakimiyyət orqanları bunu mütləq həyata keçirməlidir. Yəqin ki də, keçirəcəklər”.
Bu istiqamətdə Azərbaycan hakimiyyət orqanlarının ciddi iş apardığını vurğulayan politoloq bildirib ki, artıq ox yaydan çıxıb:
“Azərbaycanın məqsədi Ermənistanla sərhəddə nəzarət-buraxılış məntəqəsinin yaradılmasıdır. Buna görə də ordumuz Laçın rayonunun Cağazur və Zabux kəndləri arasında yerləşən bir neçə hakim yüksəklikləri ələ keçirdi. Yaradılacaq sərhəd nəzarət-buraxılış məntəqəsinin nəzdində sərhəd qoşunlarının qüvvələri, eyni zamanda Gömrük işçilərinin dayaq məntəqəsi olacaq.
Bu istiqamətdə Azərbaycan hakimiyyət orqanları ciddi iş aparır. Çünki artıq ox yaydan çıxıb. Sərhədlərimizin tam nəzarət altına alınması və orada Azərbaycanın suveren hüquqlarının qorunması birmənalı şəkildə gündəmdə dayanıb. Azərbaycan hakimiyyət orqanları bunu mütləq həyata keçirməlidir. Yəqin ki də, keçirəcəklər”.
Nərminə UMUDLU
Poliqon.info