Əhəd Abıyevin hədələdiyi jurnalistə Mətbuat Şurasından dəstək

PİA.az-ın xəbərinə görə, V. Həsənli, Ə.Amaşova Daşkəsən Rayon İcra Hakimiyyətinin başçısı Əhəd Abıyevin mülkləri ilə bağlı ötən gün "Demokrat.az" saytında yayılmış yazı ətrafındakı durumla bağlı məlumat verib.

O bildirib ki, sözügedən yazı materialı ilə bağlı "Demokrat.az" saytının jurnalisti Daşkəsən Rayon İcra Hakimiyyətinin rəsmi elektron poçtuna əvvəlcədən informasiya sorğusu göndərib, eyni zamanda İcra Hakimiyyətinin başçısı Əhəd Abıyevin mobil telefon nömrəsinə zəng edərək əlaqə saxlamağa çalışıb. Ancaq Daşkəsən Rayon İcra Hakimiyyətinin İctimai-siyasi və humanitar məsələlər şöbəsinin müdir müavini Elmar Əliyev jurnalistin informasiya sorğusuna təhqiredici ifadələrlə cavab verərək, Əhəd Abıyevlə bağlı məlumatları yayan şəxsləri "erməni əsilli məxluqlar" adlandırıb.

MŞ sədri jurnalistlərin suallarına etik tərzdə, məmur etikasına uyğun, səlis və əhatəli cavab verilməsinin vacibliyini, hər hansı aşağılayıcı tonun, qeyri-müəyyənliyin yolverilməzliyini vurğulayıb.

Əflatun Amaşov qeyd edib ki, məmurlar jurnalistlərin suallarına cavab verməkdən yayınmağa çalışmamalıdırlar. Hər bir jurnalistin məmura sual vermək və informasiya sorğusu göndərmək ixtiyarı var və sorğuya əhatəli cavab vermək qanunun da tələbidir.

Görüş zamanı Əflatun Amaşov "Demokrat.az" xəbər portalına gələcək fəaliyyətində uğurlar arzu edib.

pia.az