Conson Ukraynaya səfər etmək istəyir, Sunak isə bundan narahatdır…

PİA.az xəbər verir ki. Bu barədə The Guardian qəzeti məlumat yayıb. Qəzetin yazdığına görə, yüksək vəzifəli mühafizəkarlar bu səfərin krallığın Nazirlər Kabinetinin hazırkı rəhbəri Rişi Sunakın nüfuzuna xələl gətirə biləcəyindən ehtiyat edirlər.

“Bu münaqişə bitməkdən çox uzaqdır. Boris heç bir şübhə yaratmamalıdır ki, o, höküməti tam dəstəkləyir və onun səfəri London və Kiyev arasında mesaj mübadiləsinə və ya rəsmi kommunikasiya kanallarına mane olmamalıdır”, deyə İcmalar Palatasının Müdafiə Seçim Komitəsinin sədri Tobias Ellvud bildirib.

Parlamentarilərin başqa bir hissəsi hesab edir ki, Consonun nəzərdə tutulan səfəri piardır. Onlar belə bir fikir bildiriblər ki, Britaniya Nazirlər Kabinetinin keçmiş baş naziri Kiyevə səfər sayəsində beynəlxalq arenada daha cəlbedici natiq ola bilər.

Hər şey Boris brendi ilə bağlıdır. Bu, onu daha aktual etmək və ABŞ-da daha çox ictimai populyarlıq əldə etmək üçün bir marketinq hiyləsidir. O, yenidən Ukraynada olsa, daha çox diqqət çəkəcək”, deyə adı açıqlanmayan mühafizəkar deputat bildirib.

Qeyd edək ki, bundan əvvəl “Daily Telegraph” qəzeti Consonun siyasətdən getməmək və növbəti parlament seçkilərində namizədliyini yenidən irəli sürmək qərarına gəldiyini yazıb. Nəşrin məlumatına görə, Conson bu barədə Londonun qərbində yerləşən Uxbridge və South Ruislip seçki dairəsi üzrə hakim Mühafizəkarlar Partiyasının bölmə üzvlərinə danışıb.

pia.az