Çində ABŞ vətəndaşını edam edəcəklər...

Çin hakimiyyəti amerikalı Mark Svidanı narkotik saxladığına görə edam edəcək. Poliqon xəbər verir ki, bu barədə The Hill nəşri ABŞ Dövlət Departamentinə istinadən məlumat yayıb.

Dövlət Departamentinin sözçünün müavini Vedant Patel bildirib ki, Çinin Jiangmen Aralıq Məhkəməsi şikayəti rədd edib və ABŞ vətəndaşının ölüm hökmünü iki il müddətinə təxirə salmaqla qüvvədə saxlayıb. "

“Biz bu qərardan məyus olduq və onun dərhal azad edilməsi və ABŞ-a qayıtması üçün təzyiqləri davam etdirəcəyik”, deyə Patel deyib.

Qeyd olunur ki, Svidan on ildən artıqdır ki, Çin həbsxanasındadır. 2018-ci ildə o, ölüm cəzasına məhkum edilib. Patelin sözlərinə görə, Vaşinqton dəfələrlə onun saxlanma şəraiti, tibbi xidmətdən istifadə imkanları və vaxtında poçt göndərə və ya ala bilməməsi ilə bağlı narahatlığını bildirib.

Poliqon.info