Çin Qəzzada dinc insanlara edilən hücumu pisləyib

Poliqon xəbər verir ki, bu barədə Çin Xarici İşlər Nazirliyinin rəsmi nümayəndəsi Mao Nin bildirib.

“Çin bu insidentdən şoka düşüb və baş verənləri qətiyyətlə pisləyir. Biz bütün əlaqədar tərəfləri, xüsusilə də İsraili hərbi əməliyyatları dərhal dayandırmağa və mülki əhalinin təhlükəsizliyini effektiv şəkildə qorumağa çağırırıq”, deyə Mao Nin brifinq zamanı deyib.

Çini XİN-nin rəsmi nümayəndəsi qeyd edib ki, mülki şəxslərə humanitar yardımın fasiləsiz çatdırılmasını təmin etmək zəruridir. Mao Nin həmçinin həlak olanlara ölkəsi adından başsağlığı verib.

Qeyd edək ki, Fələstin anklavının Səhiyyə Nazirliyinin məlumatına görə, Qəzza şəhərinin cənub-qərbindəki Nablusi bölgəsində humanitar yardımın paylanmasını gözləyən bir qrup insana İsrail qüvvələrinin hücumu nəticəsində ölənlərin sayı 112 nəfərə çatıb, 760 nəfər yaralanıb. Zərərçəkənlərdən bəzilərinin cəsədi hələ də tapılmayıb və bəzliləri isə müayinə olunmaq üçün xəstəxanaya aparılıb.

Poliqon.info