Aİ rəsmisi Kiyevə hərbi yardımın dayandırılmasının Rusiya tərəfindən hərbi əməliyyatların dayandırılmasına səbəb olmayacağını bildirib...
“Sülhə nail olmaq üçün Ukraynaya hərbi yardımı dayandırmaq istəyənləri “başa düşmürəm”.
Poliqon.info xəbər verir ki, bunu Avropa İttifaqının Xarici siyasət və Təhlükəsizlik məsələləri üzrə Ali Nümayəndəsi Cozep Borrell Avropa Parlamentinin deputatlarına deyib.
Borrelin bildirib ki, bəziləri hesab edir ki, Ukraynaya silah tədarükünün dayandırılması münaqişənin həllinə kömək edə bilər. Amma bu sadəlövhlükdür:
“Mən solçuların belə sadəlövhlüyünü başa düşmürəm, belə düşünən dostlarım da var”, deyə Aİ rəsmisi bildirib.
Borrell qeyd edib ki, belə insanlar başa düşməlidirlər ki, Kiyevə hərbi yardımın dayandırılması Rusiya tərəfindən hərbi əməliyyatların dayandırılmasına səbəb olmayacaq.
“Hər bir insanın ölümü sizin kimi mənə də böyük ağrı verir. Ancaq müharibənin daha tez bitməsini istəyiriksə, bunun üçün Ukraynaya az deyil, daha çox və daha sürətli kömək lazımdır”, deyə Borrell qeyd edib.
Siyasətçi eyni zamanda Ukraynaya silah tədarükü və münaqişənin həllinə yönəlmiş diplomatik səylərin paralel baş verə biləcəyi fikrini də ifadə edib.
Poliqon.info
Digərxəbərlər
Populyar xəbərlər
