Avropa diplomatiyasının rəhbəri Cozep Borrell Avropa İttifaqı xarici işlər nazirlərinin Brüsseldə keçirilən görüşündə bildirib ki, o, Fələstin-İsrail münaqişəsi ilə bağlı sülh prosesi mövzusunu bir daha qaldırmayacaq...
Poliqon xəbər verir ki, bu barədə TASS Agentliyinin məlumaında bildirilir. Aİ rəsmisi qeyd edib ki, o, münaqişənin həlli üçün yalnız bir yol görür.
"Mən daha çox sülh prosesi haqqında deyil, yalnız iki dövlətli həlli haqqında danışacağam. Və mən indi ciddiyəm", deyə Borrell bildirib.
Cosep Borrell dəfələrlə fələstinliləri dəstəkləyib və onlar üçün müstəqil dövlət yaradılmasının tərəfdarı olub. Üstəlik, onun fikrincə, Fələstinin yaradılması İsrail üçün təhlükəsizliyin ən yaxşı təminatıdır.
Qeyd edəl ki, bundan əvvəl "Euractiv" Agentliyi Avropa İttifaqı xarici siyasət xidmətinin Qəzza zolağında silahlı münaqişənin həlli üzrə 10 bəndlik planın ilkin variantını hazırladığını yazıb. Sənəddə deyilir ki, "fəal beynəlxalq iştirak olmadan" münaqişə tərəfləri sülh danışıqlarına başlamayacaqlar. Planın bu əsas məqamı ilə əlaqədar olaraq Avropa İttifaqı, ABŞ, Misir, İordaniya, Səudiyyə Ərəbistanı, Ərəb Dövlətləri Liqası və BMT-nin iştirakı ilə "hazırlıq sülh konfransı"nın keçirilməsinin zəruriliyi göstərilir.
Sənəddə qeyd olunur ki, konfransdan sonra onun iştirakçıları bir il ərzində yekun danışıqlar üçün münaqişə tərəflərinə təqdim olunacaq sülh planının çərçivəsini hazırlayacaqlar. Avropa İttifaqı sənədinin başqa bəndində fələstinlilərin HƏMAS-a siyasi alternativə ehtiyacı olacaq və İsrail hakimiyyəti sülh danışıqlarında iştirak etmək üçün "siyasi iradə" nümayiş etdirməli olacaq.
Poliqon.info
Digərxəbərlər
Populyar xəbərlər
