Livanın paytaxtı Beyrutda baş verən partlayışda ölənlərin sayı 100-ü ötüb.
“Report” AFP-yə istinadən xəbər verir ki, bu barədə məlumatı Livanın Qırmızı Xaç Cəmiyyəti yayıb.
***
Livanın paytaxtı Beyrutda baş verən güclü partlayış nəticəsində ölənlərin sayı 70 nəfərə çatıb.
Modern.az xəbər verir ki, bu barədə məlumatı "Al Jazeera" telekanalı ölkənin Səhiyyə naziri Hamad Hassana istinadən yayıb.
Məlumata görə, 3,7 mindən çox insan da xəsarət alıb. Hazırda ərazidə xilasetmə işləri davam etdirilir.
***
Livanda baş vermiş güclü partlayış nəticəsində ölənlərin sayı 50 nəfəri keçib.
APA xəbər verir ki, bu barədə "Al Hadath" telekanalı ölkənin Səhiyyə Nazirliyinə istinadən "Twitter" vasitəsilə məlumat yayıb. Məlumata görə, 2750 nəfər də xəsarət alıb.
"Al Jazeera" telekanalı isə bildirir ki, ölkənin Səhiyyə naziri Hamad Hassan azı 40 nəfərin öldüyünü, azı 2500 nəfərin də yaralandığını təsdiqləyib. Nazirin sözlərinə görə, ölənlərin arasında tibb işçiləri və həkimlər də var. O, ölü və yaralı sayının artacağını istisna etməyib.
***
Beyrutda baş verən partlayış nəticəsində Livan baş nazirinin ailə üzvləri, eləcə də müşavirləri yaralanıb.
Yenisabah.az RenTV-yə istinadən verdiyi məlumata görə, paytaxtın limanında güclü partlayışda Livan baş nazirinin xanımı və qızı yaralanıb.
Partlayışın Livan prezidenti Baabdanın sarayına, Rusiya səfirliyinə, eləcə də Beyrutdakı bir çox binaya ziyan verdiyi məlum olub.
***
Beynəlxalq Qırmızı Xaç Komitəsinin (BQXK) Livan cəmiyyəti Beyrutdakı partlayış zamanı 2,2 min nəfərdən çox insanın xəsarət aldığını bildirib.
"Report" xəbər verir ki, bu barədə yerli OTV telekanalı bildirib.
Məlumata görə, hadisə zamanı azı 30 nəfər həlak olub.
***
Livanın “Al-Kataib” partiyasının baş katibi Nizar Nacaryan Beyrutda baş vermiş partlayış nəticəsində ölüb.
APA xəbər verir ki, bu barədə “Al Arabiya” telekanalı özünün “Twitter” səhifəsində məlumat yayıb.
Qeyd edək ki, bir qədər əvvəl telekanal Nacaryanın ağır yaralandığını və huşsuz vəziyyətdə olduğunu bildirmişdi.
Son məlumatlara görə, partlayış 12 nəfərin ölümünə, yüzlərlə insanın yaralanmasına səbəb olub. Hazırda hadisə yerində yanğından mühafizə briqadaları işləyir, əraziyə helikopterlər də cəlb olunub.
Qeyd edək ki, Livanın baş naziri Hassan Diyab baş vermiş güclü partlayışla əlaqədar çərşənbə günü matəm elan edib.
***
Livanın paytaxtı Beyrutda baş verən ard-arda iki partlayışda azı 10 nəfər ölüb.
"Report" xəbər verir ki, bu barədə "Reuters" məlumat yayıb. Təhlükəsizlik orqanlarındakı mənbə bildirib ki, tibb müəssisəsinə 10 meyit gətirilib. Hadisə zamanı həmçinin yüzlərlə insanın xəsarət aldığı bildirilir.
***
Livanın paytaxtı Beyrut şəhərində güclü partlayış baş verib.
APA-nın TASS-a istinadən verdiyi xəbərə görə, hadisə Beyrut limanı yaxınlığında qeydə alınıb.
Partlayışın səbəbi məlum deyil.
Fotolar
pia.az
Digərxəbərlər
Populyar xəbərlər
