ABŞ prezidenti Co Bayden yarımkeçiricilər, mikroelektronika, kvant texnologiyaları və süni intellektin inkişafı da daxil olmaqla Çinin texnologiya sənayesinə investisiyaların məhdudlaşdırılmasını nəzərdə tutan sərəncam imzalayıb...
Poliqon xəbər verir ki, bu barədə ABŞ Maliyyə Nazirliyi məlumat yayıb.
Sənəddə deyilir ki, bu addım ABŞ-a Çinin “kəşfiyyat, müşahidə və ya kiber imkanlar baxımından əsas olan” məxfi və qabaqcıl texnologiyaların inkişafını məhdudlaşdırmağa imkan verəcək.
Fərman maliyyə nazirinə Çin sənayesinin üç sektoruna investisiyaları tənzimləməyə imkan verəcək: yarımkeçiricilər, mikroelektronika, kvant informasiya texnologiyaları və bəzi süni intellekt sistemləri. ABŞ səlahiyyətliləri biznesmenləri bu cür investisiyalar barədə məlumat verməyə məcbur edəcəklər. Onların bəzilərinə qadağa qoyulacaq.
Qeyd edək ki, 2022-ci ilin oktyabrında ABŞ hakimiyyəti yarımkeçiricilərin və mikrosxemlərin istehsalı üçün avadanlıqların Çinə tədarükünü məhdudlaşdırıb.
Poliqon.info
Digərxəbərlər
Populyar xəbərlər
