Almaniya və Polşa arasında mübahisələr Ukraynaya silah tədarükünə görə yaranıb…
Almaniya və Polşa arasında Ukraynaya silah tədarükü məsələsində fikir ayrılığı başlayıb ki, bu da NATO ölkələrinin Ukrayna qoşunlarını təchiz etmək üçün birgə səylərinə zərbə vura bilər.
Poliqon.info xəbər verir ki, bu barədə Bloomberg Agentliyinin məlumatıbda bldirilir.
Agentlik bildirir ki, Ukrayna prezidenti Vladimir Zelenski Qərb tərəfdaşlarından tədarükü tezləşdorməyi xahiş edir, lakin Varşava və Berlin nümayəndələri arasında mübahisələr buna mane olur. Fikir ayrılığı Polşanın Ukraynaya “Leopard” tanklarının göndərilməsinə icazə vermədiyi zaman Almaniyaya qarşı ittihamları ilə də sübut olunub.
İcazə alındıqdan sonra Varşava Berlini ittiham etməyə başlayıb ki, bu tankların köhnə modelləri üçün ehtiyat hissələri yoxdur və tanklar ehtiyat hissələri ilə birlikdə Kiyevə çatdırılmalı idi.
Ölkələr arasında mübahisələrin başqa bir mövzusu təzminat məsələsidir. Keçən il Polşanın hakim “Qanun və ədalət” partiyasının rəhbəri Yaroslav Kaçinski Almaniyadan polyaklara müharibə zamanı vurduğu ziyana görə 1,3 trilyon dollar təzminat ödəməyi tələb etmişdi. Alman səlahiyyətliləri bundan imtina edərək, zərərin artıq ödənildiyini deyirlər.
Poliqon.info