Macarıstan Rusiyadan enerji almağı dayandırmaq üçün daha fəal işləməlidir...
Poliqon xəbər verir ki, bunu Politico nəşrinə enerji məsələləri üzrə Avropa komissarı Kadri Simson deyib.
Simsonun fikrincə, Macarıstan Rusiya qazının alınmasını və “Paks-2” AES-in tikintisini davam etdirməklə Moskvaya enerji bazarını manipulyasiya etmək hüququ verir.
“Bu asılılığı davam etdirmək Macarıstanın maraqlarına uyğun deyil” deyə Kadri Simson qeyd edib.
Aİ komissarı həmçinin Moskva və Budapeştin Rusiyadan nüvə yanacağından asılı olan nüvə reaktorunun tikintisi ilə bağlı əldə etdiyi razılaşmadan təəssüfləndiyini bildirib.
Qeyd edək ki, “Paks” Macarıstanda yeganə atom elektrik stansiyasıdır, Budapeştdən yüz kilometr aralıda yerləşir və ölkədəki bütün elektrik enerjisinin demək olar ki, yarısını istehsal edir. 2022-ci ilin yayının sonunda Macarıstan “Rosatom”a “Paks-2” AES-in enerji bloklarının tikintisi üçün lisenziya verib. Səlahiyyətlilər iki yeni blokun istifadəyə verilməsi sayəsində istehsalın iki dəfə artacağını gözləyirlər. Tikintinin başlanması 2024-cü ilin yaz-yay aylarına planlaşdırılır.
Poliqon.info