Uzun mübahisələrdən sonra Aİ Ukrayna üçün bir milyard avroya silah-sursatın alınması sxemini razılaşdırıb...
Avropa İttifaqının səfirləri Ukrayna rəsmilərini dərindən məyus edən və həftələrlə davam edən mübahisədən sonra Ukrayna üçün sursat almaq sxemi barədə razılığa gəliblər.
Poliqon xarici mətbuata əsasən xəbər verir ki, razılaşmanı İsveçin Aİ Şurasına sədrliyi elan edib.
O, bildirib ki, Aİ-yə üzv ölkələrin səfirləri Brüsseldə keçirilən görüşdə müqavilələrin şərtləri ilə bağlı mübahisələrə son qoyaraq sazişi təsdiqləyiblər.
“Aİ səfirləri Ukrayna Silahlı Qüvvələrinə dəstək üçün Avropa Sülh Fondu çərçivəsində birgə sursat və raketlərin alınması üçün 1 milyard avro məbləğində yardım göstərilməsi qərarını təsdiqləyiblər”, deyə İsveçin Aİ Şurasına sədrliyi bildirib.
Aİ nümayəndələrinin əldə etdiyi razılaşmanın təfərrüatları hələlik ictimaiyyətə məlum deyil.
Qeyd edək ki, birgə satınalma sxemi Aİ-nin növbəti 12 ay ərzində Ukraynaya 1 milyon artilleriya mərmisi və raket ötürmək üzrə daha geniş planının bir hissəsidir.
Aİ xarici işlər nazirləri mart ayında ümumi planı təsdiqləyiblər, lakin hökumətlər müqavilə şərtləri üzərində mübahisə etdiyi üçün satınalma sxemi dayanmışdı.
Poliqon.info
Digərxəbərlər
Populyar xəbərlər
