Ağ Ev İsrail və İran arasında müharibədən çox narahatdır

Ağ Evin Milli Təhlükəsizlik Şurasının sözçüsü Con Kirbi deyib ki, Vaşinqton İsraillə İran arasında İslam Respublikasının Suriyadakı səfirliyinə həyata keçirilən və ölümlə nəticələnən hava hücumundan sonra gərginliyin artmasından çox narahatdır.

Poliqon xəbər verir ki, Kirbi bu barədə CNN telekanalına bildirib.

Xatırladaq ki, bazar ertəsi İranın Dəməşqdəki konsulluğuna endirilən hava hücumunda iki yüksək rütbəli komandir də daxil olmaqla bir neçə hərbçinin həlak olmasından sonra Tehran özünü müdafiə etmək üçün "qanuni və ayrılmaz hüququnu özündə saxlayır" xəbərdarlığını edib.

İran hakimiyyəti hücumda İsraili günahlandırıb.

CNN-də danışan Kirbi bildirib ki, Ağ Ev hücum fonunda İran və İsrail arasında gərginliyin genişmiqyaslı müharibəyə çevrilməsi ehtimalından narahatdır.

“Biz hamımız bunu çox ciddi qəbul edirik. Heç kim bu münaqişənin eskalasiyasının şahidi olmaq istəmir”, deyə Kirbi vurğulauyıb.

Poliqon.info