ABŞ sərhədini keçən miqrantların sayı rekord həddə çatıb

Poliqon CBS telekanalına istinadən xəbər verir ki, xüsusilə yüksək artım Texas ştatının Del Rio şəhərində qeydə alınıb və burada bir gündə miqrantların sayı rekord həddə - 6,4 min nəfərə çatıb.

Daha 1,5 min miqrant mobil proqram vasitəsilə sərhəd məntəqələrində qəbulu gözləyir.

Qaçqınların daimi axını həm sərhədyanı dövlətlər, həm də bu miqrantları qəbul edən digər ölkələr üçün böyük gərginlik yaradır. CBS qeyd edir ki, prezident Co Bayden dövründə Ağ Evin hazırkı administrasiyası bu qaçqın axınının öhdəsindən gələ bilmədiyi üçün tənqidlərlə üzləşir.

Seçki ilində Respublikaçı müxalifət sərhəddəki uğursuzluqlara görə demokratları tənqid edir, hətta Ukraynaya yardımla bağlı səsverməyə mane olur.

Daha əvvəl ABŞ mediası yazmışdı ki, ABŞ-Meksika sərhədində sərhəd keçidlərinin qismən bağlanması milyardlarla dollar itkilərə, həmçinin xaos və siyasi nəticələrə səbəb ola bilər.

Qeyd edək ki, ABŞ hökumətinin Ukrayna, İsrail və Tayvana 106 milyard dollarlıq yardım paketi Respublikaçılar tərəfindən rədd edilib. Onlar hökumətin öncə Meksika sərhədində təhlükəsizliyi həll etməlidir.

Poliqon.info