ABŞ Mərkəzi Komandanlığı (CENTCOM) bildirib ki, Amerika ordusu Husilərin pilotsuz təyyarəsini vurub...
Poliqon xəbər verir ki, CENTCOM-un bəyanatına görə, PUA-lar Yəməndən buraxılıb və ticarət gəmiləri üçün birbaşa təhlükə yaradıb.
“Fevralın 27-də ABŞ təyyarəsi və koalisiyaya məxsus döyüş gəmisi Qırmızı dənizdə İranın dəstəklədiyi Husilərin beş PUA-nı vurub”, deyə CENTCOM-un komandanlığın X sosial media hesabında dərc olunan bəyanatında deyilir.
Qeyd edək ki, Husilər 2023-cü ilin oktyabrından İsrailə qarşı mübarizə aparan Fələstin HƏMAS hərəkatını dəstəkləyir. Dekabr ayından bəri husilər Qırmızı dənizdəki gəmilərə mütəmadi olaraq hücum edir. Buna cavab olaraq, yanvarın ortalarından etibarən ABŞ və müttəfiqləri Yəməndə husilərin mövqelərinə zərbələr endirməyə başlayıb. Bu həftə Husilərin Qırmızı dənizdə dörd sualtı kabeli zədələdiyi, Avropa və Asiya arasında internet rabitəsində böyük fasilələrə səbəb olduğu ortaya çıxıb.
Poliqon.info