ABŞ Polşanın hərbi ehtiyacları üçün 2 milyardlıq krediti təsdiqləyib

Poliqon “RİA Novosti” Agentliyinə istinadən xəbər verir ki, Dövlət Departamenti Vaşinqtonun hərbi ehtiyaclar üçün kredit şəklində Varşavaya 2 milyard dollar köçürməsini təsdiqləyib.

“Birləşmiş Ştatlar Polşa ilə hərbi ehtiyaclar üçün 2 milyard dollarlıq ikinci kredit haqqında razılığa gəldiyini elan edir”, deyə departamentin məlumatında qeyd edilib.

Bildirilir ki, Vaşinqtonda bunun NATO-nun güclənməsinə kömək edəcəyinə inanırlar.

Polşanın bu vəsaitlə ABŞ tərəfdən F-35 döyüş təyyarələri, “Patriot” hava hücumundan müdafiə sistemləri və “Abrams” tanklarının alınması daxil olmaqla, hərbi proqramını modernləşdirmək üçün addımlar atacağı gözlənilir.

Poliqon.info