Ukrayna hökumətinin Rusiya ordusunun üstünlüyü və sursat çatışmazlığı ilə bağlı açıqlamaları Kiyevin etimadı itirməsindən xəbər verir...
Poliqon xəbər verir ki, bunu Amerikanın "Newsweek" nəşri yazıb. Nəşr qeyd edib ki, "Ukraynanın etibarını itirməyə başladığına dair əlamətlər var".
Müəllif yazır ki, bəzi Ukrayna hərbi rəsmiləri Rusiya Federasiyasının əməliyyatlarının xüsusilə qışın gəlişi ilə sürət qazandığını qeyd edirlər. "Newsweek"in məlumatına görə, Ukrayna Silahlı Qüvvələrinin Quru Qoşunlarının komandanı, general-polkovnik Aleksandr Sırski etiraf edib ki, hazırda cəbhədə Ukrayna üçün çətin vəziyyət yaşanır.
Ukraynalı generalın sözlərinə görə, Silahlı Qüvvələr həm silah, həm də şəxsi heyətin sayına görə Rusiya qoşunlarının üstünlüyü şəraitində döyüş əməliyyatları aparmalıdır. "Vəziyyət mürəkkəbdir", deyə Sırski etiraf edib.
Bu arada, "The Washington Post"un köşə yazarı Françeska Ebel bildirib ki, Kiyevin uğursuz əks-hücumları səbəbindən Qərbin Ukraynaya yardımı ABŞ və Avropa İttifaqında dalana dirəndiyi kimi, döyüş meydanında vəziyyət də dalana dirənib və Rusiya prezidenti Vladimir Putin 2023-cü il qalibiyyət notu ilə başa çatır.
Poliqon.info