Son 24 saat ərzində yəmənli Husi qruplaşması Ədən körfəzində iki gəmiyə zərbələr endirib...
Poliqon xəbər verir ki, bu barədə məlumatı ABŞ Mərkəzi Komandanlığı (CENTCOM) X sosial şəbəkəsində təsdiqləyib.
“Ənsar Allah” hərəkatının nümayəndələri Yəməndə nəzarət etdikləri ərazilərdən iki gəmi əleyhinə ballistik raket atıblar. Raketlərdən biri koalisiya qüvvələri tərəfindən vurulub, ikincisi isə Liberiya bayrağı altında üzən “Tavvishi” konteyner gəmisinə çırpılıb.
“Daha iki gəmi əleyhinə ballistik iki raket, Antiqua və Barbados bayrağı altında üzən yük gəmisi Norderney motor gəmisini vurub”, deyə ABŞ komandanlığından bildirilib. Qeyd edilir ki, hər iki gəmi zədələnsə də, suyun üzündə qalıb.
Qeyd edək ki, bir gün əvvəl Yəmən husiləri Qırmızı dənizdə Britaniyanın “HMS Diamond” esminesinə hücum edib. Bu barədə hərəkatın hərbi nümayəndəsi Yəhya Səriya məlumat verib.
Poliqon.info
Digərxəbərlər
Populyar xəbərlər
