2024-cü il Davosdan necə görünür?

İqtisadçı-ekspert: “Davos İqtisadi Forumu dünyanın yaxın hətta orta prespektivdə inkişaf istiqamətlərini müəyyənləşdirir. Açığı bu dəfə Davos Forumunda yeni mövzular açılmadı”.

“Amma ümumi trendlər maraqlı idi. Trendlər də ondan ibarətdir ki, dünyanın logistik yollarına nəzarət edilməsi uğrunda ciddi mübarizə başlayır və bu çıxışlardan da aydın görünürdü”.

Bu sözləri iqtisadçı-ekspert Natiq Cəfərli keçirilən Davos Dünya İqtisadi Forumunu Poliqon-a şərh edərkən qeyd edib.

Bu il Davos Dünya İqtisadi Forumunda baş verənləri, aparılan müzakirələri necə dəyərləndirmək olar? Adətən hər il Davosda ilin necə keçəcəyinin ipucları verilir. Davosda aparılan müzakirələrdən baxarsaq, 2024-cü il il necə görünür?

Davos İqtisadi Forumunu Poliqon-un əməkdaşı iqtisadçı-ekspert Natiq Cəfərli ilə müzakirə edib.

Natiq Cəfərli: “Məhz bu yeni logistik xətlərə nəzarət və ümumiyyətlə, alternativ logistik xəttlərin yaradılması, bunun uğrunda mübarizə yaxın illərdə əsas gündəm mövzularından biri olacaq”.

Son zamanlar Qırmızı dənizdə, Hörmüz boğazında, Aralıq dənizində və digər beynəlxalq logistika xətlərində olan problemlər alternativ yolların yaranmasını aktuallaşdırdığını vurğulayan ekspert az da olsa, Azərbaycan da bundan istifadə etmək şansının olduğunu da qeyd edib:

“Davos İqtisadi Forumu dünyanın yaxın hətta orta prespektivdə inkişaf istiqamətlərini müəyyənləşdirir. Açığı bu dəfə Davos Forumunda yeni mövzular açılmadı. Açılan mövzular son bir neçə ildə davam edən mövzular idi. Bunlar yaşıl enerjidən alternativ enerjiyə keçid, logistika yollarının optimallaşdırılması və sairədir.

Amma ümumi trendlər maraqlı idi. Trendlər də ondan ibarətdir ki, dünyanın logistik yollarına nəzarət edilməsi uğrunda ciddi mübarizə başlayır və bu çıxışlardan da aydın görünürdü. Alternativ enerjiyə keçid artıq müzakirə olunmur. Yəni trend var və bu trend uzun zaman davam edəcək. Amma yeni logistik yollar, dünya ticarətinin infrastruktur problemi müzakirə olunur.

Natiq Cəfərli: “Alternativ enerjiyə keçid artıq müzakirə olunmur. Yəni trend var və bu trend uzun zaman davam edəcək”.

Son zamanlar Qırmızı dənizdə, Hörmüz boğazında, Aralıq dənizində və digər beynəlxalq logistika xətlərində olan problemlər alternativ yolların yaranmasını aktuallaşdırır. Yeri gəlmişkən az da olsa, Azərbaycan da bundan istifadə edə bilər. Çünki bizim Orta Dəhliz layihəsində yer almaq fikrimiz var və bununla bağlı müəyyən addımlar da atılır.

Düşünürəm ki, məhz bu yeni logistik xətlərə nəzarət və ümumiyyətlə, alternativ logistik xəttlərin yaradılması, bunun uğrunda mübarizə yaxın əsas gündəm mövzularından biri olacaq”.

Nərminə UMUDLU
Poliqon.info