Bu gün İsraildə 11 sentyabr ssenarisi təkrarlanır?

İbrahim Altun, “Pencere” jurnalının baş redaktoru
“Independent Türkçe”, bazar 8 oktyabr 2023-cü il

Düşünürəm ki, bu gün İsraildə baş verənləri başa düşməyin ən yaxşı yolu dünən baş verənləri yaxşı xatırlamaq və onu düzgün oxumaqdır.

Nədənsə, HƏMAS-a bağlı “Əl-Qəssam” Briqadalarının oktyabrın 7-də İsrailə qarşı başlatdığı bu qəfil hücum mənə “Əl-Qaidə”nin sentyabrın 11-də ABŞ-a qarşı həyata keçirdiyi sarsıdıcı terror aktını xatırlatdı.

Bunları düşününcə öz-özümə dedim “A kişi, ağzından çıxanı eşitmirsən? Bu iki hadisə eyni şey ola bilərmi? Həmas işğalçı İsrailə qarşı öz torpaqlarını müdafiə edir, “Əl-Qaidə” başqa şeydir, Həmas başqadır”.

Bu prizmadan baxanda öz-özümə “Bəli, düz deyirsən” deyə bilərəm. Amma inanıram ki, hadisəyə emosiyalardan uzaq, daha rasional və siyasi yanaşanda nələrin baş verdiyini daha aydın görmək olar.

Məncə, ssenari hələ də eynidir.

Necə?

Əvvəlcə 2001-ci il sentyabrın 11-də baş verənləri və ondan sonrakı hadisələri xatırlayaq.

Dünyanın ən qabaqcıl kəşfiyyat şəbəkəsinə sahib olan ABŞ, bütün təhlükəsizlik sistemlərinə baxmayaraq, sentyabrın 11-də evinin içində vuruldu.

Və bir deyil, dörd əlaqələndirilmiş istiqamətdə.

Yəni iş o yerə çatdı ki, pələng öz yuvasında güllələndi.

2001-ci il sentyabrın 11-i səhər saatlarında qaçırılan dörd təyyarədən ikisi Nyu Yorkdakı Dünya Ticarət Mərkəzinin “Əkiz Qüllələr” kimi tanınan qüllələrə çırpılaraq intihar hücumu həyata keçirdi.

Təyyarələrin üçüncüsü ABŞ Müdafiə Nazirliyinin qərargahı olan Pentaqonu vurdu, Pensilvaniya ştatının Pittsburq şəhərindəki Yəhudi Sinaqoqunu hədəf alan dördüncü təyyarə isə F-16-lar tərəfindən vuruldu.

Qüllələr içindəki əşyalarla birlikdə çökdü.

Dəhşət içində ora-bura qaçan amerikalıların çarəsizliyi, qorxulu baxışları və qışqıran qışqırıqları bütün dünyada televiziyalarda davamlı olaraq son xəbərlər kimi təqdim edilirdi.

Bu hücumlarda təxminən 3 min amerikalı həyatını itirdi.

Sonra “Əl-Qaidə” adlı bir təşkilat hücumlara görə məsuliyyəti öz üzərinə götürdü və bütün dünya daha əvvəl heç eşitmədiyi bir adamla, Usamə Bin Ladenlə qarşılaşdı.

Sonra nə oldu?

Hücumlardan dərhal sonra o vaxtkı ABŞ prezidenti Corc Buş Əfqanıstanı bombalamağa qərar verdi. Buna səbəb Talibanın rəhbərlik etdiyi hökumətin hücumların arxasında olduğu deyilən “Əl-Qaidə” lideri Usamə bin Ladeni təhvil verməməsi oldu.

ABŞ-ın başlatdığı hücumlara bir çox başqa ölkələr də dəstək verib. Müttəfiqlər paytaxt Kabilə və bir çox şəhərlərə nəzarəti ələ keçirsələr də, ölkədə heç vaxt təhlükəsizlik və sabitlik əldə olunmayıb. Hər il ölkədə minlərlə insan terror hücumlarından həyatını itirir.

Bu illərdə İslamofobiya ideyası, yəni müsəlmanlara qarşı qərəz, nifrət və irqçilik sürətlə artıb. Xüsusilə Avropa və Amerikada olduqca geniş yayılmış və qorxulu səviyyələrə çatıb.

Daha sonra İkinci Körfəz Müharibəsi başladı və Amerika 13 gün kimi qısa müddətdə İraqı işğal etdi, Baas rejimi devrildi və diktator Səddam Hüseyn edam edildi.

İraqda baş verən xaosda 3 milyondan çox insan həlak olub.

11 sentyabr hücumundan sonra Amerikanın sonunun gəldiyini düşünən, bu gün olduğu kimi küçələrdə sevinc və qələbə qışqıran dar düşüncəli müsəlmanlar çox yanıldılar.

Çünki 11 sentyabr hadisələri məşhur inancın əksinə olaraq İslam dünyası üçün böyük dağıntı və xaosa qapı açdı.

Üstəlik, bu hücumlar Amerika və İsrailə bu coğrafiyanın dizaynı üçün böyük bir fürsət təqdim etdi.

Bu nöqtədə artıq nə “Əl-Qaidə”, nə də Usamə bin Laden qalıb.

Geriyə Amerika və İsrailin dağıddıqları şəhərlər, onların dəyişdirdiyi rejimlər, bu və ya digər şəkildə ölməsinə səbəb olan milyonlarla insan və didərgin düşən yüz minlərlə insan qalıb.

Dediyim kimi, bu günü dərk etməyin ən yaxşı yolu dünəni yaxşı xatırlamaq və onu ən doğru şəkildə oxumaqdır.

Bu oyunun yolu və sonu o qədər aydındır; Çünki ssenari eyni və çox tanışdır.

Fikir verin, Həmas birdən-birə MOSSAD və MKİ kimi son dərəcə güclü kəşfiyyat bölmələrini yuxuya verdi və keçilməz hasarları keçərək işğalçı İsrailin ürəyindən vurdu.

İllər əvvəl Amerikaya edilən hücumlar kimi bu qəfil hücumdan bütün dünya şoka düşdü.

Hamı böyük qorxu və heyrət içində hadisələrin gedişatını seyr edərkən, “məhəlləmizin adamları” yenə fəth vaxtlarını oxuyur, şükrlə səcdə edir və İsrailin sonunun gəldiyini düşünür.

Bir tərəf zəfərlə sionizmi lənətləyir və İsrailin qiyamət günündə truba çalırsa, dünyanın əksər xəbər agentlikləri “qırğın” adı altında HƏMAS tərəfindən vurulan İsrail vətəndaşlarının görüntülərini təqdim edirlər.

Başqa sözlə, o, yalnız İsrail vətəndaşlarını görür, lakin İsrailin hücumlarında illərdir ölən və ölməkdə davam edən fələstinli mülki vətəndaşlara məhəl qoymayaraq ikitərəfli bir yol izləyir.

Bəli, əvvəldə dediyim kimi, HƏMAS-ın İsrailə qarşı başlatdığı bu qəfil hücum bizə “Əl-Qaidə”nin 11 sentyabrda ABŞ-a qarşı həyata keçirdiyi sarsıdıcı hücumu xatırladır.

Deyəsən, tarix eyni məkrli planla yenidən təkrarlanır. Bundan sonra nə baş verəcək:

- Fələstin tamamilə işğal olunacaq və İsrail daha da böyüyəcək.

- Fələstin xalqını daha böyük dağıntı və ağrı gözləyir.

- Bu gün qələbə qışqıran müsəlmanların əksəriyyəti sabah cümə namazından çıxarkən İsraili yenidən lənətləyəcək və böyük izdihamda var gücü ilə “Qəhr olsun İsrail” şüarları səsləndirəcək.

- Küçələrdə şüarlar səsləndirib, ağacların yarpaqlarını silkələyərkən, İsrail və Amerika İrana daxil olmaq üçün yollar axtaracaq və doğru zamanı gözləyəcək.

Bundan sonra nə olacaq?

Ramallahı alan Tehrandan keçəcək!

Ssenari tam olaraq budur.

Kim bilir, bəlkə də HƏMAS artıq Amerika və İsrailin regionu dizayn etmək üçün istifadə edəcəyi yeni aparata çevrilib.

Bəs, Ukraynada sürüşən Putin Suriyadan sonra İranda döngəni döndərə biləcəkmi?

Oh, bir də sarı saçlı bir adam var idi, adı Tramp idi, “Əsrin müqaviləsi”nin Fələstin və İsrail məsələsinə daimi sülh gətirdiyini iddia edirdi. Onun həqiqətən bu müharibədən xəbəri varmı?

Onun hal-hazırda öhdəsindən gələ bilmədiyi dərdləri olsa da, bilməlidir ki, dünyanı nə qədər bəlaya salıb.

Bəli, cənab Tramp, sizin çox təriflənmiş planınız dediyiniz kimi sülh gətirmədi; Əksinə, müharibəni daha da qızışdırdı.

Deyəsən, yenə hamımızı aldatdın.

İndi müttəhimin kürsüsünə qayıdıb ölən hər bir fələstinli və israilli üçün cavab verməli deyilsinizmi?

Bəli, bütün bu və daha çox sualların cavabını zaman göstərəcək, amma həqiqət budur ki, bura Yaxın Şərqdir və buradakı bataqlıq daha da böyüyəcək.

Tərcümə Poliqon-a aiddir...

Poliqon.info