ABŞ Ukraynaya uzaq mənzilli GPS-lə dəqiq idarə olunan bombalar verəcək

Poliqon.info xəbər verir ki, bu barədə “Bloomberg” Pentaqondakı mənbələrə istinadən məlumat yayıb.

Jdam-ER 500 ilə 2000 funt arasında olan idarə olunmayan bombalara quraşdırıla bilər. Adi qaydada bomba 72 kilometrə qədər uça bilir, lakin buraxıldıqdan sonra bomba qanadlarını genişləndirərək uçuş məsafəsini üç dəfə artırır. JDAM-lar ABŞ Hərbi Hava Qüvvələri və Hərbi Dəniz Qüvvələri tərəfindən istifadə olunur və 26-dan çox ölkəyə satılıb. Bombanın hazırlanmasında Avstraliya Hərbi Hava Qüvvələri iştirak edib.

Bu bombalar dekabrın 21-də açıqlanan 1,85 milyard dollarlıq hərbi yardım paketinin bir hissəsi olaraq Ukraynaya göndərilə bilər.

Bildirilir ki, yanvarın 20-də Boeing Jdam-ın istehsalı üçün Pentaqondan 40,5 milyon dollarlıq sifariş alıb. Sifariş iyunun 30-dək başa çatdırılmalıdır. Güman edilir ki, bu vaxta qədər Ukrayna Silahlı Qüvvələri bu bombaları sovet Su-27 qırıcılarından atmağı öyrənəcək.

Poliqon.info