BMT-nin Baş katibi Antoniu Quterreşin HƏMAS-la bağlı çıxışından sonra İsrail hökuməti bu təşkilatın məmurlarına ölkəyə giriş üçün viza verməkdən imtina edib...
“Report” xəbər verir ki, məlumatı “The Time of İsrael” yayıb.
Məlumata görə, İsrail rəsmiləri Baş katib A.Quterreşi BMT Təhlükəsizlik Şurasının toplantısındakı çıxışını tənqid edərək onun istefasını tələb ediblər.
Bildirilib ki, Baş katib etdiyi çıxışda bu tənqidlərdən sonra dediklərindən imtina etməyə səy göstərib. O, “X” səhifəsində yazıb: “Fələstin xalqının istəkləri HƏMAS-ın dəhşətli hücumlarına haqq qazandıra bilməz. Bu dəhşətli hücumlar Fələstin xalqının kollektiv şəkildə cəzalandırılmasına səbəb olmamalıdır”.
İsrailin BMT-dəki nümayəndədisi Gilad Erdan bildirib ki, BMT Baş katibinin humanitar məsələlər üzrə müavini Martin Qriffitsə ölkəyə giriş vizası verməkdən imtina ediblər.
Qeyd edək ki, Antoniu Quterreş Təhlükəsizlik Şurasında çıxışında bildirib: "HƏMAS hücumlarının vakuumda, boş-boşuna baş vermədiyini də etiraf etmək lazımdır”.
Digərxəbərlər
Populyar xəbərlər
