Çin səfiri: Vaşinqtonla təmaslar haqqında bütün məlumatları Moskvaya təqdim etmişik...
“Rusiya Pekin və Vaşinqton arasında təmaslar haqqında bütün məlumatlara malikdir”.
Poliqon xəbər verir ki, bunu Çinin Rusiyadakı səfiri Zan Hanhui TASS Agentliyinə deyib.
“Rusiya tərəfində Çin və ABŞ arasında keçirilən görüşlər barədə tam məlumat var. Biz məlumat vermişik”, deyə səfir bildirib.
Zan Hanhui qeyd edib ki, ABŞ Çin vasitəsilə Rusiyaya mesaj göndərməyib.
Səfir Çinin xarici işlər naziri Vanq Yinin Moskvaya səfəri zamanı ABŞ prezidentinin milli təhlükəsizlik müşaviri Ceyk Sullivanla danışıqlardan sonra diplomatik kanallar vasitəsilə mesajlar ötürüb-ötürməməsi ilə bağlı sualı cavablandırarkən deyib: “Bu, heç də belə olmayıb”.
Poliqon.info