Avropa İttifaqı liderlərinin qarşıdan gələn sammitində Ukrayna və Fələstin-İsrail münaqişələri Avropa maraqları uğrunda yarışacaq...
Poliqon xəbər verir ki, hadisələrin bu cür inkişafı Politico qəzeti tərəfindən proqnozlaşdırılıb.
“Bu həftə sammitə toplaşan Aİ liderlərinin diqqəti üçün iki münaqişə mübarizə aparacaq. Münaqişələrin biri Ukraynadakı acınacaqlı vəziyyətdir ki, liderlər bu vəziyyəti dəyişə bilər, digərində isə İran və İsrail arasında gərginlikdir ki, Avropa liderlərinin burda vəziyyəti dəyişəbilmələri heç də inandırıcı görünmür”, deyə Politico yazır.
Nəşrin fikrincə, Aİ maraqları uğrunda rəqabətdə Yaxın Şərq münaqişəsi “Aİ üzvlüyünə namizəd ölkə olan Ukraynadan daha çox diqqəti cəlb edəcək”.
Politico yazır ki, Ukraynanın cəbhədəki vəziyyətin əksinə çevrildiyi bir vaxtda Avropadan əlavə yardım istəməsinə baxmayaraq, Aİ diqqətini Yaxın Şərqə yönəldə bilər.
“Politico” ilə söhbətində Litvanın xarici işlər naziri Qabrielius Landsbergis deyib ki, İranın İsrailə hücumunu dəf etməkdə Qərb qoşunlarının köməyi fonunda Kiyev iki ildən artıqdır ki, eyni ölkələrdən eyni müdafiəni istəməyə davam edir və bu köməyi ala bilmir.
Poliqon.info
Digərxəbərlər
Populyar xəbərlər
