Kolumbiyada helikopterin qəzaya uğraması nəticəsində 9 əsgər həlak olub...

Poliqon xəbər verir ki, bu barədə Kolumbiya ordusunun X sosial şəbəkəsində rəsmi səhifəsində məlumat verilib. Qəza nəticəsində təyyarədə olan 9 əsgərin hamısı həlak olub, Hərbçilər “Körfəz Klanı”ndan olan narkotik alverçilərinə qarşı əməliyyat keçirib.

Helikopterin göyərtəsində altı zabit və üç əsgər olub. Qəzanın səbəbi dəqiqləşdirilməyib.

“Mən “Körfəz Klanı”na qarşı əməliyyatda Bolivarın cənubunda qoşunların təchizatında iştirak edən doqquz ekipaj üzvünün ordu helikopterinin qəzaya uğraması nəticəsində həlak olmasından təəssüflənirəm”, deyə Kolumbiya prezidenti Qustavo Petro sosial şəbəkədə yazıb.

Qeyd edək ki, “Körfəz Klanı” Kolumbiyanın ən böyük narkotik kartelidir.

Poliqon.info