Macarıstan Avropa İttifaqına üzvlük üzrə Ukrayna ilə danışıqların irəliləməsinə tətbiq etdiyi 17 aylıq vetonu ləğv edib...
Poliqon xəbər verir ki, Financial Times-ın yazdığına görə, Budapeştdəki yeni hökumət Ukrayna və qonşu Moldova ilə rəsmi üzvlük danışıqlarının başlanmasına razılıq verəcəyini bildirib.
Nəşr qeyd edir ki, Macarıstanın mövqeyində bu qəfil dəyişiklik Brüsseldə Aİ səfirlərinin görüşünün sonunda baş verib və bu, 15 iyuna qədər – 11 gün ərzində danışıqların ilk klasterinin rəsmi açılışına hazırlıq üçün texniki prosedurların sürətləndirilməsinə səbəb olub.
"Biz bu qədər uzun müddət gözlədik, indi isə proses sanki Amerika dağları kimi sürətlə dəyişir", deyə görüşdə iştirak edən Avropa diplomatlarından biri bildirib.
2025-ci ilin yanvarında Avropa Komissiyası Ukrayna və Moldova ilə Aİ standartlarına uyğunlaşma üzrə rəsmi danışıqlara başlanmasını tövsiyə etmişdi, lakin həmin qərar o dövrdə Macarıstanın baş naziri Viktor Orban tərəfindən bloklanmışdı.
Lakin Orbanın varisi Peter Madyarın 3 iyun axşamı qəbul etdiyi qərar Ukrayna və Moldovanın 15 iyunda danışıqlara başlaması üçün yol açır.
Madyar açıqlamasında bildirib ki, Budapeşt Ukraynanın üzvlük prosesini dəstəkləyəcək, lakin bunun müqabilində Ukrayna ilə macar azlığına dair dil, təhsil, mədəniyyət və siyasi hüquqları əhatə edən geniş razılaşma əldə olunmalıdır. Bu razılaşmanın Kiyev, Budapeşt və Brüssel arasında bir neçə həftə davam edən intensiv danışıqlar və digər Aİ ölkələrinin təzyiqi nəticəsində formalaşdığı bildirilir.
Poliqon.info
Populyar xəbərlər
