Kim Çen In Şoyqu ilə ilə hərbi sahədə əməkdaşlığı müzakirə edib...

Poliqon xəbər verir ki, Şimali Koreya mətbuatının yazdığına görə, Şimali Koreya lideri Kim Çen In Koreya müharibəsinin başa çatmasının 70-ci ildönümü ilə bağlı tədbirlərdə iştirak etmək üçün Pxenyana gələn Rusiyanın müdafiə naziri Sergey Şoyqunun başçılıq etdiyi Rusiya nümayəndə heyəti ilə danışıqlar aparıb.

“Danışıqlar zamanı tərəflər strateji-taktiki əməkdaşlığın və iki ölkə arasında milli müdafiə və təhlükəsizlik sahəsində əməkdaşlığın gələcək inkişafı ilə bağlı bəzi məsələləri ciddi şəkildə müzakirə ediblər”, deyə məlumatda bildirilir.

Kim Çen In Koreya yarımadasında sürətlə dəyişən beynəlxalq təhlükəsizlik və hərbi-siyasi vəziyyətlə bağlı rəhbərlik etdiyi partiyanın və hökumətin prinsipial mövqeyini bəyan edib, həmçinin Sergey Şoyqu ilə çoxlu fikir mübadiləsi aparıb”, deyə Koreya Mərkəzi Xəbər Agentliyi (KCNA) qeyd edib.

Xəbərlərdə deyilir ki, Şoyqu özünün və Rusiya Federasiyasının bütün nümayəndə heyətinin səfərinə xüsusi diqqət yetirdiyinə və onlara səmimi qonaqpərvərlik göstərdiyinə görə Kim Çen Ina ürəkdən minnətdarlığını bildirib.

Poliqon.info