Ukraynanın Rusiya ilə mövqe mübarizəsi apardığını Ukrayna Milli Təhlükəsizlik və Müdafiə Şurasının katibi Aleksey Danilov bildiririb ki, hazırda cəbhədə Ukrayna ordusu mövqesavaşları aparırır...
Poliqon xəbər verir ki, Aleksey Danilov Qərb tərəfdaşlarını yenidən silah təchizatını artırmağa çağırıb. Onun sözlərinə görə, tədarüklər gecikərsə, “qələbəyə doğru irəliləmədə müəyyən ləngimə” olacaq.
“Biz indi mövqe mübarizəsi içərisindəyik, nə bir tərəf, nə də digər tərəf üstünlük əldə edə bilməz. Biz əminik ki, bu, bizim üstünlüyümüz olacaq”, deyə Danilov Yaponiyanın NHK telekanalına bildirib.
Qeyd edək ki, Ukrayna yaydan bəri genişmiqyaslı əks-hücum əməliyyatı keçirir. Prezident Vladimir Zelenski Kiyevin istədiyi nəticəni əldə edə bilmədiyini etiraf edib. Ukrayna Silahlı Qüvvələrinin Ali Baş Komandanı Valeri Zalujnı bəyan edib ki, Ukrayna prezidenti belə düşünməsə də, münaqişə dalana dirənib. Ali Radada “Xalqın qulluqçusu” fraksiyasının rəhbəri David Araxamia etiraf edib ki, Ukraynanın siyasi və hərbi rəhbərliyi “çox pis” danışıqlar mövqeyinə görə döyüşlərin davam etdirilməsinin tərəfdarıdır.
Poliqon.info