Ukrayna üzrə ABŞ-nin baş danışıqçısı dəyişib

Poliqon xəbər verir ki, The Wall Street Journal qəzetinin məlumatına görə, ABŞ administrasiyasında Ukrayna ilə bağlı danışıqlara cavabdeh əsas şəxs dəyişib. Belə ki, bundan sonra danışıqlarda Vaşinqtonun əsas nümayəndəsi kimi senator Marko Rübio çıxış edəcək. O, bu vəzifədə daha əvvəl bu istiqamətə rəhbərlik edən biznesmen Ceyms Uitkoffu əvəzləyib.

Mənbənin yazdığına görə, Rübio Rusiyaya qarşı daha sərt və prinsipial mövqe tutur. Onun təyin olunması administrasiyanın Moskva ilə münasibətlərdə daha qətiyyətli siyasət yürütmək niyyətində olduğuna işarə kimi qiymətləndirilir. Rübio uzun illərdir ABŞ Konqresində Rusiyanın xarici siyasətinə və təhlükəsizlik siyasətinə qarşı kəskin tənqidləri ilə tanınır.

Ekspertlərin fikrincə, bu dəyişiklik Vaşinqtonun Ukrayna böhranına yanaşmasında tonun dəyişməsinə səbəb ola bilər. Əgər Uitkoff daha çox kompromis və diplomatik balans axtarırdısa, Rübio daha sərt şərtlər və Moskva üzərində təzyiqlərin artırılmasının tərəfdarıdır. Bu isə ABŞ-Rusiya dialoqunun yaxın aylarda gərgin keçəcəyini göstərir.

Poliqon.info