Keçmiş baş nazir hakimiyyətə qayıdacağı təqdirdə bütün vətəndaşların ölkə daxilində ailə qurmaq hüququnu təmin edəcəyini bildirib…
Poliqon xəbər verir ki, İsrailin sabiq baş naziri Naftali Bennet jurnalistin eynicinsli nikahlarla bağlı sualını cavablandırarkən mümkün dəyişikliklərə işarə edib. O bildirib ki, rəhbərlik edəcəyi hökumət hər bir İsrail vətəndaşının tam hüquqlarla ailə qurmasını təmin edəcək.
Bennett vurğulayıb ki, İsrail vətəndaşları ailə qurmaq üçün xarici ölkələrə, o cümlədən Kipr və ya ABŞ-nin Yuta ştatına getməyə məcbur qalmamalıdır. Onun sözlərinə görə, dövlət daxilində bu hüquqların təmin edilməsi əsas prioritetlərdən biri olacaq.
Sabiq baş nazir çıxışının sonunda ölkədə uzunmüddətli siyasi rəhbərliyə də toxunub. O qeyd edib ki, İsrailin hazırkı baş naziri Benyamin Netanyahu ilə bağlı dövrün başa çatdığını düşünür və ölkə üçün “yeni səhifə” açmağın vaxtının gəldiyini bildirib.
Bennett əlavə edib ki, gələcəkdə həyata keçiriləcək siyasi kurs İsraildə daha inklüziv və hüquq əsaslı idarəetmənin qurulmasına yönələcək.
Poliqon.info
Populyar xəbərlər
