Alejandro Toledo 13 il 4 ay həbs cəzası alıb...
Poliqon xəbər verir ki, Peru sabiq prezidenti (2001–2006) 79 yaşlı Alejandro Toledo yerli məhkəmənin qərarı ilə pul yuymaqda günahkar bilinərək 13 il 4 ay müddətinə azadlıqdan məhrum edilib. Hazırda Toledo əvvəlki korrupsiya ittihamı üzrə Liması polis bazasında yerləşən həbsxanada cəzasını çəkir. Həmin həbsxanada digər sabiq prezidentlər – Ollanta Humala, Pedro Kastillo və yaxınlarda Martin Vizkarra da müxtəlif korrupsiya cinayətlərinə görə saxlanıb.
İkinci iş üzrə ittiham aktına görə, Toledo və həyat yoldaşı Liması prestijli rayonlarından ev və ofis almaq üçün 5,1 milyon dollar xərcləyiblər. Bundan əlavə, onlar iki digər əmlakın ipoteka borcunu da ödəyiblər. Pul vəsaiti Kosta-Rikadakı ofşor şirkət vasitəsilə köçürülüb; bu şirkət Toledonun qanunsuz gəlirləri yumaq məqsədilə yaradılıb.
Xatırladaq ki, 2024-cü ilin oktyabrında Peru məhkəməsi Toledoya korrupsiya ittihamı üzrə 20 il 5 ay həbs cəzası vermişdi. Məhkəmə qərarına görə, sabiq prezident 35 milyon dollar rüşvət müqabilində Braziliyanın Odebrecht tikinti korporasiyasına Braziliya və Peru arasında iki yol seqmentinin inşası üçün müqavilə qazandırıb.
Poliqon.info
Populyar xəbərlər
