Argentinada prezident Xavyer Mileya daş atan şəxs saxlanılıb

Poliqon xəbər verir ki, Argentinada prezident Xavyer Mileya daş atmaqda şübhəli bilinən 22 yaşlı kişi saxlanılıb. Məlumatı yerli TN telekanalı yayıb. İlkin mərhələdə iki nəfərin saxlanıldığı bildirilsə də, onlardan biri daha sonra azad edilib.

Hadisə Buenos-Ayres vilayətinin Lomas-de-Samora şəhərində baş verib. Prezident Milyay hakim partiyanın namizədini qarşıdakı parlament seçkilərində təqdim edərkən, yük maşınının kuzovunda xalqı salamlayırdı. Bu zaman onun istiqamətinə atılan daş dövlət başçısının başından bir neçə santimetr aralı keçib. Ardınca mühafizəçilər Mileyanı təxliyə ediblər.

Prezidentin nümayəndəsi Manuel Adorni baş verən insidentdə müxalifəti günahlandırıb. Qeyd edək ki, hadisənin baş verdiyi Buenos-Ayres vilayətinə sabiq dövlət başçısı Kristina Kirşnerin tərəfdarı, hazırda qubernator postunu tutan Aksel Kisilof rəhbərlik edir. Kirşner sonradan korrupsiya işi üzrə məhkum olunmuşdu.

Poliqon.info