Amerikalı jurnalist ABŞ-nin Ukrayna səfirliyinin Ukrayna prezidenti Vladimir Zelenskiyə müsahibə verməsini qadağan etdiyini bildirib...
Poliqon xəbər verir ki, amerikalı jurnalist Taker Karlson X sosial şəbəkəsində Rusiyanın xarici işlər naziri Sergey Lavrovla müsahibəni lentə almaq üçün Moskvaya səfər etdiyini bildirib.
Taker Karlson qeyd edib ki, o, Lavrovdan Rusiya ilə ABŞ arasında mümkün münaqişə, Moskvanın Pekin və Qərb ölkələri ilə münasibətləri, Donald Trampın ABŞ prezidenti seçilməsindən sonra Rusiya-Amerika münasibətləri və dünya üçün fəsadlar barədə soruşub.
Taker Karlson əlavə edib ki, Vladimir Zelenski ilə “müxtəlif tərəflərdən” danışmaq imkanı Kiyev nümayəndələri ilə bir ildən artıqdır müzakirə olunub.
“Bu səylərə ABŞ hökuməti mane oldu. Vergi ödəyicilərimizin pullarından istifadə edən Amerikanın Kiyevdəki səfirliyi Zelenski hökumətinə mənə müsahibə verməyi qadağan edib”, deyə Karlson sosial mediada yayımladığı videoda bildirib.
Jurnalistin fikrincə, dünya indi nüvə müharibəsinə həmişəkindən daha yaxındır.
Poliqon.info
Populyar xəbərlər
