ABŞ Dövlət Departamenti ehtiyatsızlıqdan Əfqanıstandakı “Taliban” və ya “terrorla əlaqəli şəxslərə” 293 milyon dollar maliyyə ayırdığını etiraf edib...
Poliqon xəbər verir ki, bu barədə “Breitbard” Əfqanıstanın yenidən qurulması üzrə xüsusi baş müfəttişin hesabatına istinadən məlumat yayıb.
Ekspertlər bildiriblər ki, Demokratiya, İnsan Haqları və Əmək Bürosu (DRL) və Narkotiklərlə Mübarizə və Hüquq Mühafizə Bürosunun (INL) Əfqanıstandakı proqramlarının Dövlət Departamentinin baxış qaydalarına uyğun olub-olmadığını yoxlamaq üçün kifayət qədər sənəd təqdim etməyib. DRL dörd qrantla tərəfdaşları müəyyən etməkdə, INL isə 19 qrantla bağlı problemlər yaşayıb.
“Ümumilikdə, Dövlət Departamenti qrant proqramları çərçivəsində Əfqanıstana ən azı 293 milyon dollar küçürüb”, deyə hesabatda bildirilir.
Müfəttişlik həmçinin qeyd edir ki, yardımın məhz kimə göndərildiyini bilmək son dərəcə vacibdir. Əks halda, maliyyə vəsaitlərinin “Taliban”a və sanksiyalar altında olan digər təşkilatlara yönəldilməsinin qarşısını almaq mümkün olmayacaq.
Dövlət Departamenti etiraf edib ki, bütün bürolar sənədlərin saxlanması tələblərinə əməl edə bilmir. Məsələn, INL kadr dəyişikliyi və Əfqanıstan-Pakistan ofisinin ləğvi fonunda qarışıqlıq yaşayır.
Poliqon.info
Populyar xəbərlər
