Rus ordusunun cinayətləri: On minlərlə istintaq materialı hazırlanır...

Poliqon xəbər verir ki, bu barədə The Washington Post qəzeti yazır.

Nəşr yazır ki, müharibə cinayətləri ilə bağlı minlərlə hesabat beynəlxalq təşkilatlar, Avropa hakimiyyət orqanları və Ukrayna prokurorları tərəfindən sənədləşdirilib. ABŞ Dövlət Departamentinin Qlobal Cinayət üçün Ədalət səfiri Bet Van Şakın sözlərinə görə, ümumilikdə, müstəntiqlər on minlərlə müharibə cinayəti ittihamını araşdırır.

BMT-nin yeni hesabatında isə deyilir ki, rus hərbiçiləri 5-i qadın olmaqla 77 Ukrayna vətəndaşını edam edib.

Ukrayna təhlükəsizlik qüvvələri də mülki şəxsləri saxlayıb, lakin bu Rusiya ilə müqayisədə çox azdır və bu günə qədər Ukrayna hərbiçilərinin kimisə edam etməsi faktına rast gəlinməyib.

İyunun ortalarında BMT-nin işgəncələr üzrə xüsusi məruzəçisi Eliss Cill Edvards deyib ki, Rusiya hərbiçilərinin kobud və qəddar rəftarı dövlət tərəfindən təsdiq edilmiş bir modeldir: “Koordinasiya, planlaşdırma və təşkilatlanma səviyyəsinin aşağı olması Rusiya qoşunlarında özünü göstərir. Həmçinin qəddarlığa birbaşa icazə siyasəti yuxarı orqanlar tərəfindən düşünülmüş şəkildə həyata keçirilir”, deyə Edvards qeyd edib.

BMT, FTB, Avropa istintaq qruplarının müstətiqləri və prokurorlar Rusiya ordusunun qurbanı olan ukraynalı mülki şəxslər araşdırı və şahidləri dindirir. WP yazır ki, hərbi cinayətkarları Haaqadakı Beynəlxalq Cinayət Məhkəməsi qarşısında məsuliyyətə cəlb etmək üçün on minlərlə istintaq materialı hazırlanır.

Poliqon.info