Alyans rəsmiləri Moskvanın imkanlarını şişirdilmiş hesab edir...
Poliqon xəbər verir ki, Brüsseldə NATO-ya üzv ölkələrin xarici işlər nazirlərinin görüşü ərəfəsində alyansın yüksək vəzifəli nümayəndəsi Rusiyanın Avropaya genişmiqyaslı hücum həyata keçirmək gücündə olmadığını bildirib. BBC-yə danışan rəsmiyə görə, Vladimir Putinin Avropa ilə müharibə barədə bəyanatları “çox zaman reallığa uyğun gəlmir” və Rusiya lideri NATO-nun vahid mövqeyini və müttəfiqlərinin müdafiəsinə sarsılmaz sadiqliyini yaxşı anlayır.
Həmin rəsmici vurğulayıb ki, Moskvanın hazırkı hərbi potensialı böyük hücum əməliyyatı aparmaq üçün kifayət etmir və o, “Putinin doğrudan da Avropa ilə müharibəyə hazır olduğuna inanmadığını” deyib. NATO-dakı digər yüksək səviyyəli mənbə isə Rusiyanın alyans üzvlərindən birinə hücum edəcəyi təqdirdə cavabın “sarsıdıcı və qəti” olacağını vurğulayıb.
NATO Baş katibi Mark Rütte də məsələ ilə bağlı açıqlama verərək bildirib ki, artıq uzun müddətdir Rusiya rəhbərliyinin bəyanatlarını şərh etməkdən çəkinir. Onun sözlərinə görə, “hər açıqlamaya reaksiya verməyə ehtiyac yoxdur”.
Poliqon.info
Populyar xəbərlər
