Rəsmi məlumatda bildirilir ki, hücum nəticəsində obyektə maddi ziyan dəyib, lakin hadisə zamanı insan tələfatı barədə məlumat verilməyib...
Poliqon xəbər verir ki, Küveyt Milli Qvardiyası son pilotsuz uçuş aparatı (PUA) hücumu nəticəsində quruma məxsus binalardan birinin zərər gördüyünü açıqlayıb.
Hücumun hansı istiqamətdən həyata keçirildiyi və istifadə olunan PUA-nın mənşəyi hələlik açıqlanmır.
Hadisə Körfəz regionunda artan hərbi gərginlik fonunda baş verib. Son dövrlərdə pilotsuz uçuş aparatlarından istifadə ilə həyata keçirilən hücumların intensivləşməsi region ölkələrinin təhlükəsizlik sistemləri üçün ciddi çağırışlar yaradır.
Ekspertlər hesab edir ki, bu cür hücumlar həm strateji obyektlərin qorunması məsələsini gündəmə gətirir, həm də regionda mövcud qarşıdurmaların coğrafiyasının genişlənməsi ehtimalını artırır.
Küveyt rəsmiləri hadisə ilə bağlı araşdırmaların davam etdiyini bildirir və təhlükəsizlik tədbirlərinin gücləndirildiyini vurğulayır.
Poliqon.info
Populyar xəbərlər
