Şirkət rəhbəri üçün tarixdəki ən böyük korporativ ödəniş təsdiqlənib...
Poliqon xəbər verir ki, “Tesla” şirkətinin səhmdarları və investorları illik ümumi yığıncaqda baş direktor İlon Maska 10 il ərzində 423,7 milyon səhm həcminə malik mükafat paketi ayrılması barədə qərar qəbul ediblər. Bu qərar dünya biznes tarixində indiyədək təsdiqlənmiş ən böyük korporativ ödəniş hesab olunur. Qətnaməni səhmdarların 75 faizi dəstəkləyib.
CNN-in məlumatına görə, İlon Maskın bu nəhəng mükafatı əldə etməsi üçün “Tesla”nın bazar dəyəri növbəti 10 ildə əlavə 7,5 trilyon dollar artmalıdır. Agentlik qeyd edir ki, bu halda Maskın gəlirləri 1 trilyon dollara çata bilər. Bununla belə, Reuters hesablayıb ki, faktiki məbləğ 878 milyard dollar səviyyəsində olacaq, qalan hissə isə vergi və digər məcburi ödənişlərə yönələcək.
Eyni zamanda, yığıncaqda “Tesla”nın Direktorlar Şurasının üç üzvü yenidən seçilib və bütün üzvlər üçün illik seçkilərin keçirilməsi təşəbbüsü də təsdiqlənib. Bundan başqa, səhmdarlar şirkətin İlon Maskın süni intellekt sahəsindəki “xAI” startapına investisiya planına da razılıq veriblər.
Poliqon.info
Populyar xəbərlər
