Yeni aparat hava şəraitindən və işıq müddətindən asılı olmayaraq məlumat toplaya biləcək...
Poliqon xəbər verir ki, Çexiya hökuməti Ukraynaya kosmik peyk bağışlamaq qərarına gəlib. Bu barədə ölkənin Xarici İşlər Nazirliyi və Nəqliyyat Nazirliyi birgə bəyanat yayıb.
Rəsmi məlumatda bildirilir ki, peyk istənilən hava şəraitində və günün istənilən vaxtında müşahidə aparmaq qabiliyyətinə malik olacaq. O, yer səthinin vəziyyəti, iqlim dəyişiklikləri və digər mühüm məlumatların toplanması üçün istifadə ediləcək. Gələcəkdə bu peykin digər yeni aparatlarla birləşdirilərək orbital qrup (peyk konstellasiyası) şəklində işləməsi planlaşdırılır.
Layihə üzrə işlərin yaxın aylarda başlanacağı, peykin isə bir il ərzində orbitə buraxılacağı gözlənilir. Mütəxəssislərin fikrincə, bu təşəbbüs həm Ukraynanın elmi və texnoloji imkanlarını genişləndirəcək, həm də Avropada kosmik əməkdaşlığın inkişafına töhfə verəcək.
Poliqon.info
Populyar xəbərlər
