Rusiya Moldaovadakı parlament seçkilərində hakim PAS partiyasının hakimiyyətdən uzaqlaşdırılmasını hədəfləyir...
Poliqon xəbər verir ki, Bloomberg jurnalistlərinin əldə etdiyi sənədlərə görə, bu ilin yazında Rusiya hakimiyyəti 28 sentyabrda keçiriləcək Moldovanın parlament seçkilərinə müdaxilə planı hazırlayıb. Kampaniyanın koordinasiyası birbaşa Kremlin üzərinə düşür və məqsəd prezident Mayya Sandunun partiyası “Hərəkət və Həmrəylik”i (PAS) hakimiyyətdən uzaqlaşdırmaqdır.
Sənədlərdə Kremlin müdaxilə taktikası ətraflı təsvir olunur: xaricdə yaşayan seçicilərin, o cümlədən Rusiyada yaşayan moldovalıların alqı-satqı yolu ilə səslərinin təmin edilməsi, sosial şəbəkələrdə dezinformasiya kampaniyası, məmurlara qarşı kompromatın yayılması və etiraz aksiyalarının təşkili planlaşdırılır.
Bloomberg-in məlumatına görə sənədlərdə qeyd olunur ki, Moskvanın əsas məqsədi rəqabət görüntüsü yaratmaqla Sandunun dəstəyini zəiflətməkdir.
Xaricdə yaşayan moldovalıların səslərinin yönləndirilməsi üçün onların seçki məntəqəsinə daşınması və “doğru” namizədə səs verməsi təmin ediləcək. Dezinformasiya kampaniyası Telegram, TikTok və Facebook platformalarında, həmçinin call-center-lər vasitəsilə aparılacaq. Materiallar rumın və rus dillərində hazırlanacaq, Sandu xarici marionetka və ölkəni yoxsulluq və müharibəyə sürükləyən şəxs kimi təqdim ediləcək.
Həmçinin Rusiya moldov və etnik azlıqlar arasından gəncləri idman klublarından və cinayətkar qruplardan seçərək səsvermə zamanı və sonrasında etirazlarda provokasiyalar təşkil etməsi planlaşdırılır. PAS məğlub olarsa, Sendunun istefası tələb ediləcək, qələbə halında isə seçki nəticələrinin şübhəli göstərilməsi üçün aksiyalar keçiriləcək.
Qeyd edək ki, Mayya Sandu sentyabr ayında Avropa Parlamentinin deputatlarına bildirib ki, Rusiya ölkənin Avropa İttifaqına üzvlük referendumu və prezident seçkilərinə təsir etmək üçün təxminən 150 milyon avro – Moldovanın ÜDM-sinin 1%-ni xərcləyib. Avropa rəsmilərinin qiymətləndirməsinə görə, Kremlin parlament seçkilərinə ayırdığı vəsait oxşar həcmdədir.
Bloomberg qeyd edir ki, Agentlik Moskvanın sənədlərdə təsvir olunan planları həyata keçirib-keçirmədiyini təsdiqləyə bilmir, lakin iki Avropa rəsmisi jurnalistlərə bildirib ki, Kremlin planların əksəriyyətini reallaşdırmaq niyyəti demək olar ki, şübhəsizdir. Kremlin mətbuat xidməti sorğuya cavab verməyib.
Qeyd edək ki, Moldovanın parlament seçkiləri 28 sentyabrda keçiriləcək. PAS ölkənin Avropa İttifaqına üzvlük prosesini başlatmağı vəd edir, lakin son sorğular göstərir ki, partiya parlamentdə çoxluğunu itirə bilər. Onun rəqibləri pro-avropalı blok “Alternativa” və keçmiş prezident İqor Dodonun rəhbərlik etdiyi pro-Rusiya Sosialist Partiyasıdır. Ötən il keçirilən seçkilərdə xaricdə yaşayan moldovalıların səsi nəticələrin müəyyənləşməsində həlledici rol oynamışdı.
Poliqon.info
Populyar xəbərlər
