ABŞ-də dronlardan yerə "iPhone"lar atılacaq

Oxu.Az-ın xəbərinə görə, bu barədə şirkətin bloqunda məlumat verilib.

"Amazon"dan bildirildiyinə görə, bununla bağlı icazəni ABŞ Federal Mülki Aviasiya Administrasiyası (FAA) verib.

Məlumata görə, çatdırılmalarla korporasiyanın "Prime Air" bölməsi məşğul olacaq. Şirkət sifarişin qeydə alınmasından sonra 60 dəqiqə ərzində malları hava yolu ilə çatdıracağına söz verib.

Bloqda qeyd edilib ki, FAA bəzi texniki avadanlıqların - "iPhone" və "Samsung Galaxy" smartfonlarının, "AirPods" qulaqlıqları, "Ring" qapı zəngləri və "Alpha Grillers Instant Read" qida termometrlərinin çatdırılmasına başlanması üçün icazə verib. Gələcəkdə icazə verilən məhsulların siyahısı genişləndiriləcək.

"Amazon" bildirib ki, "MK30" dronları çatdırılma məntəqəsinin yanına uçacaq və yerdən 4 metr hündürlükdə qalaraq bağlamanı yerə atacaq.

"Prime Air" mütəxəssisləri izah ediblər ki, bu hündürlük həm müştərilərin, həm də malların təhlükəsizliyini təmin etmək üçün optimaldır. "Amazon" çəkisi 5 funt və ya 2.27 kiloqramdan çox olmayan malları çatdırılma üçün qəbul edəcək.

"MK30" çatdırılma dronları öz marşrutunu müstəqil şəkildə planlaşdıra və şərtlərə diqqət yetirərək malların yerə atılması nöqtəsini seçə biləcəklər. Nümunə olaraq, mühəndislər peyk xəritələrindən düz bir səthə bənzəyən üzgüçülük hovuzunu göstəriblər, lakin dron mallara zərər verməmək üçün bağlamanı oraya atmayacaq. Həmçinin dronlar pis hava şəraitində çatdırılma həyata keçirməyəcək.

Poliqon.info